बारा,१६ बैशाख — समुदायिक प्रहरी सेवा केन्द्र कलैंया,बाराले कलैंयाको भरत चौकमा आयोजना गरेको रक्तदान कार्यक्रममा ३ महिला समित ४८ जनाले रक्तदान गरेको जिल्ला प्रहरी कार्यालय बाराले जनाएको छ । रक्तदान जिवन दान भन्ने मुल नाराका साथ राम रहिम रक्तदान कार्यक्रम भनिएको उक्त रक्तदान कार्यक्रममा हिन्दु मुस्लिम दुवै धर्मावलम्वीले उत्साह जनक सहभागिता जनाएको थियो । कार्यक्रममा गोपाल सेवा समिति बारा तथा मुस्लिम सेवा समिति कलैंया बाराले आर्थिक सहयोग गरेको थियो ।