बलिउड अभिनेता सलमान खानविरुद्ध मुम्बईको डीएन नगर प्रहरी कार्यालयमा उजुरी दर्ता भएको छ । सलमान खानले एक फ्यानको हातबाट मोबाइल फोन खोसेको आरोप लगाउँदै केस दर्ता भएको हो ।
- Advertisement -
सलमान खान लिक रोडमा साइकल चलाइरहेको बेला एक जना फ्यानले उनको भिडियो खिचिरहेका थिए । त्यसै क्रममा सलमान खानले ती फ्यानको हातबाट मोबाइल खोसेका थिए । सलमान खानका बडी गार्डको तर्फबाट पनि ती व्यक्तिविरुद्ध मुद्दा दर्ता भएको छ । उनीहरुका अनुसार सलमान खानको अनुमतिबिना ती फ्यानले भिडियो खिचिरहेका थिए ।
- Advertisement -
अभिनेता सलमान खान यतिबेला उनको आगामी फिल्म ‘दबंग ३’ को छायाँकंनमा व्यस्त छन । प्रभु देवाको निर्देशनमा बन्न लागेको यस फिल्ममा यसअघि ‘दबंग’ र ‘दबंग २’ मा अभिनय गरिसकेकी अभिनेत्री सोनाक्षी सिन्हा सलमान खानको श्रीमतीको भूमिकामा देखिनेछिन् ।
