निर्माता सुनिल रावल र निर्माता तथा वितरक गोविन्द शाही मिलेर ‘होस्टेल ब्याक अगेन’ निर्माण गर्ने भएका छन् । ‘होस्टल’ र ‘होस्टल रिटर्न्स’ निर्माण गरेका रावलले ‘होस्टेल ब्याक अगेन’बाट निर्देशनमा डेब्यु गर्दैछन् ।
अमेरिकामा छायांकन हुने फिल्मको हाल स्कृप्टको काम भइरहेको बताइएको छ । फिल्मका लागि केही कलाकार नेपालबाट अमेरिका लगिने र केही कलाकार अमेरिकामा अध्ययन गर्न गएका र होस्टलमा बसिरहेका विद्यार्थीहरुबाट अडिसन गरी छानिने निर्माता शाहीले बताएका छन् ।
निर्देशक रावल कै कथा रहने फिल्ममा हरेक विभिन्न देशबाट अमेरिका अध्ययनका लागी गएका र होस्टेलमा बसेका युवायुवतीहरुको विषयलाई मुख्य विषय वस्तु बनाएर फिल्म निर्माण गर्न लागिएको हो । फिल्ममा पटकथा तथा संवाद रायन राइजको रहनेछ । दुर्गिस फिल्म्स् र काफिया फिल्म्सको ब्यानरमा निर्माण हुने फिल्मको छायांकन आगामी अगस्टबाट सुरु हुनेछ ।
