वीरगन्ज, ३ ज्येष्ठ — सर्लाहीको बसवरिया गाउपालिकामा पौडी खेल्ने क्रममा डुबेर ७ बर्षिय बालकको मृत्यु भएको छ ।
बसवरिया गाउपालिका वडा न. ३ कोठियार बस्ने शिबचन्द्र रायका ७ बर्षिय छोरा प्रिन्स रायको घर नजिकै रहेको मनुशमारा खोलामा साथिहरुसँग पौडि खेल्ने क्रममा अचाना डुबेर घाइते भएको प्रहरीले जनाएको छ ।
घाइते रायको उपचारको लागि एडभान्स सन्जिवनी अस्पताल बरहथवामा लैजाँदै गर्दा बाटोमै मृत्यु भएको जिल्ला प्रहरी कार्यालय सर्लाहीले जनाएको छ ।
मृतकको शब पोस्टमार्टम गरी परिवारलाइ बुझाइएको प्रहरीले जनाएको छ ।
