बीरगंज, ६ जेठ — नेपाल पत्रकार महासंघ प्रदेश न. २ कार्यसमितिले आज प्रदेशसभामा दर्ता गरेको प्रदेश सञ्चार सम्बन्धमा व्यवस्था गर्न बनेको बिधेयकप्रति आपत्ति जनाउँदै प्रदेशसभा घेराउ गरेको छ ।
- Advertisement -
सो बिद्येयकले अलगै देशको परिकल्पना गरेको तथा प्रेस स्वतन्त्रता माथि नाङ्गो हस्तक्षेपसहित अंकुश लगाउने काम गरिएको भन्दै सो प्रावधान खारेजीको माग गर्दै प्रदेश सभा घेराउ गरिएको हो । प्रदेशसभा घेराउ गर्दै महासंघले सभामुख सरोजकुमार यादव, सहित बिभिन्न पार्टीका नेताहरुलाइ ज्ञापन पत्र समेत बुझाएको छ ।
प्रदेश सञ्चार विधेयकले प्रदेश सार्वभौम सत्तामाथि नै प्रश्न चिन्ह उब्जाएको तथा समानान्तर अदालतको व्यवस्था गरी प्राधिकरण गठन गरिने व्यवस्था भएकोले सो विधेयक खारेज गर्न पत्रकार महासंघका प्रदेश २ का अध्यक्ष दिपेन्द्र चौहानले माग गर्नुभयो ।
