हेटौडा — बाह्र वर्षीया एक बालिकालाई बलात्कार गरेको मुद्दामा जिल्ला अदालत मकवानपुरले नौ वर्ष छ महीना कैद गर्ने फैसला सुनाएको छ ।
जिल्ला न्यायाधीश खडानन्द तिवारीको एकल इजलासले दोलखा घर भई हेटौँडा–२ मा डेरा गरी बस्ने प्रविण थापा मगरलाई बलात्कार गरेको ठहर गर्दै उक्त फैसला गरेको हो ।
दोषीबाट पीडितलाई रु ५० हजार क्षतिपूर्ति गराउने आदेश पनि गरेको अदालत स्रोतले जनाएको छ । प्रविणमाथि गत वर्ष भदौ ११ गते बालिकालाई बलात्कार गरेको आरोप पनि लगाइएको थियो ।
