बुटवल, १९ वैशाख — हावाहुरीका कारण रुपन्देहीका गैडहवा गाउँपालिका ४ सूर्यपुरा ठाकुरापुरमा आगलागी हुँदा चार स्थानमा ६ घर जलेर नष्ट भएका छन् ।
हनुमान कलवारको गहुँ काटेर थुपारिएको छ्वालीबाट फैलिएको आगोले स्थानीयका ६ घर जलेका हुन् । खरले छाएका घर जल्दा अन्नपात र भाँडाकुँडा नष्ट भएका छन् । आगोमा जलेर तीनवटा बाख्रासमेत मरेका छन् ।
दमकलको सहयोगमा प्रहरी र स्थानीयबासीले राति साढे २ बजेतिर आगो नियन्त्रणमा लिएका थिए । आगोले र्पुयाएको क्षतिको पूर्ण्विवरण संकलनको काम भइरहेको प्रहरीले जनाएको छ ।
भैरहवाको वसन्तपुर र तिलोत्तमाको मंगलापुरमा पनि गहुँ काटेका खेतहरुमा राति आगलागी भएका छन् । आगो वस्तीमा फैलिन नदिन प्रहरीहरुले हम्मेहम्मे परेको थियो ।
ओमसतिया गाउँपालिका– २ मा पनि स्थानीयको परालको टौवा र बाँसघारीमा आगलागी भएको प्रहरीले जनाएको छ । ती सबै आगलागीका घटना गएराति नै नियन्त्रणमा लिइएको बुटवल प्रहरीले जनाएको छ ।
