पर्सा – पर्सा जिल्लास्थित विरगन्जको नारायणी क्रिकेट मैदानमा आउँदो मंसिर १४ देखि २१ सम्म हुने वीरगन्ज प्रिमियर लिग (विपिएल) टि ट्वान्टी क्रिकेट प्रतियोगिताको अक्सन आज सम्पन्न भएको छ । वीरगञ्ज मुर्लीस्थित सिटि प्यालेसमा सम्पन्न भएको अक्सन कार्यक्रममा प्रतियोगितामा सहभागि हुने ६ टिमले खेलाडी छनोट गरेका हुन् ।
स्थानिय युनाइटेड क्रिकेट क्लबको आयोजनामा हुँदै आएको यस प्रतियोगितामा ६ टिमको सहभागिता रहने छ जसका लागि ६ मार्की खेलाडीको पनि चयन गरिएको छ । प्रतियोगितामा वीरगञ्ज स्टार्स, रौतहट राईनोज, डिसिसी स्टार्स, ड्रागन साहेब दरबार, केआईसी वीरगञ्ज, सिंह ईलाभेन लायन लगायतका टिम सहभागि हुँदै छन् ।
प्रतियोगिता यहि १४ गतेबाट नारायणी रंगशालामा आयोजना हुँदैछ । प्रतियोगिताका संयोजक प्रफुल्ल सागर प्रधानको सभापतित्वमा सम्पन्न अक्सन कार्यक्रममा क्रिकेट एसोसिएसन नेपालका कोषाध्यक्ष रोशन सिंह, सर्लाहीको तिलाठी काईलाडीका मेयर सतिश सिंह लगायतकाको सहभागिता रहेको थियो । अक्सन कार्यक्रमको सहजीकरण प्रतियोगिताका प्रवक्ता राजुल हवारीले गरेका थिए ।
