विराटनगर । विराटनगरको कोशी अस्पतालमा उपचाररत ८ जना कोरोना संक्रमित निको भएका छन् । उनीहरुको दोस्रो पटक पीसीआर परीक्षण गर्दा रिपोर्ट नेगेटिभ देखिएको अस्पतालले जनाएको छ ।
- Advertisement -
उनीहरुलाई शुक्रबार डिस्चार्ज गरिने कोशी अस्पताल विराटनगरकी मेडिकल सुपरिटेण्डेन्ट डा. संगीता मिश्राले जानकारी दिइन् ।
उदयपुरको त्रियुगा नगरपालिका–३ भुल्केमा १६ जमातीसहित २८ जनालाई कोरोना देखिएको थियो । ती मध्येका ८ जना शुक्रबार डिस्चार्ज हुँदैछन् । यसअघि बुधबार पनि ६ जना डिस्चार्ज भइसकेका छन् ।
शुक्रबार आठजनाको डिस्चार्ज भएपछि १७ जना उपचारमा रहनेछन् ।
- Advertisement -
