बारा, ३१ जेठ-पिसिआर परिक्षणका लागि भिटिएम अभावका कारण कोरोना परिक्षणमा समस्या भैरहेको छ ।
क्वारेनटाइनमा रहेकाहरुको कोरोना परिक्षणका लागि स्वाव संङ्कलन गर्न नैं समस्या भएको जिल्ला स्वास्थ्य कार्यालय बाराका निमित्त प्रमुख राम नरेश यादवले बताए ।
जिल्लाका १६ वटै स्थानीय तहहरुमा गरी कुल पाँच सय जना क्वारेन्टाईनमा छन् । ती संख्याको आधाको मात्रै पि.सि.आर विधिबाट कोरानो परिक्षणका लागि स्वाव लिईएको छ । बाँकी परिक्षणका लागि प्रयास भैरहेपनी भि.टिम अभाव हुँदा समस्या भएको यादवको भनाई छ ।
सबैभन्दा बढी कोल्हवी नगरपालिकामा एक सय ३५ जना र सबै भन्दा कम करैयामाई गाउँपालिकामा १ जना क्वारेनटाईनमा बस्दै आएका छन् ।
निश्चीत रुपमा प्राप्त भिटिमको सहयोगमा पालैपालो पि.सि.आर परिक्षणका लागि स्वाव संकलन गरि पठाईएको यादवले बताए ।
स्वाव संकलन गरी पठाए पनी रिपोर्ट आउँन ढिलाई हुँने गरेको अवस्था छ । रिर्पोटमा पोजेटिभ देखिएकाहरुलाई कलैया उपमहानगरपालिका–३ , गंगापुर स्थीत शैक्षिक तालिम केन्द्रको कोरोना विशेष अस्थाई अस्पतालको आईसुलेसनमा भर्ना गरिँदै आएको छ । भने रिर्पोट नेगेटिभ आएकाहरुलाई घरपरिवारको जिम्मामा घर पठाउँने काम भैरहेको छ ।
जिल्लामा ९३ जनामा कोरोना पोजेटीभ देखिएकोमा हाल ३ जना महिला सहिँत ३९ जना मात्रै आईसोलेसनमा छन् ।
यस मध्ये करैयामाई गाउँपालिका २ का ७६ वर्षिय एक वृद्ध र निजगढ नगरपालिकाको पाँच वर्षिय बालकको निधन भयो । ती बालकको हिजो शुक्रवार निधन भएकोमा आज शनिवार मात्रै कोरोना रिपोर्ट पोजेटिभ आएको हो । भने बाँकी ५२ जनाले कोरोना जितेर घर फर्किका छन् ।
भारतबाट नेपाल भित्रिनेको संख्या केही दिन अघिसम्म दैनिक सय जनाको हाराहारी भए पनी हाल यो क्रममा कमि आएको छ ।
आज भोली दर्जनको हाराहारीमा मात्रै भारतबाट नेपाल आउँने र उनीहरुको स्थानीय तहहरुको क्वारेन्टाईनमा राख्ने गरेको छ ।
करिब आठ लाख ३० हजार जन संख्या भएको बारा जिल्लाको १६ वटा स्थानीय तहमा अहिले ६ सय ७९ जना क्वारेन्टाइनमा रहेका छन् ।
१६ वटा स्थानीय तह रहेको बारामा ११ वटा स्थानीय तहमा कोरोना भाइरसको संक्रमण भेटिएको छ ।
आज सम्ममा बारामा कोरना संक्रमितको संख्या ९३ रहेको छ । जस मध्ये दुईको मृत्यू भएको छ ।
हालसम्म जीतपुरसिमरा उपमहानगरपालिकामा १ , सिम्रौनगढ नगरपालिकामा १७ , बिश्रामपुर गाँउपालिकामा २ , कलैया उपमहानगरपालिकामा २ कलैया उपमहानगरपालिकामा रहेको जिल्ला प्रहरी कार्यालयमा ७ जना , करैयामाई गाँउपालिकामा ३ जना , महागढीमाई नगरपालिकामा २३ जना , पचरौता नगरपालिकामा सेना (नेपाल आर्मी) २ जना , पचरौता नगरपालिकामा कार्यरत स्वास्थ्यकर्मी १ जना र पचरौता नगरपालिकामा १७ जना , आदर्श कोटवाल गाउँपालिकामा ८ जना , देवताल गाउँपालिकामा १ जना , कोहल्वी नगरपालिकामा १ जना र सुबर्ण गाउँपालिकामा ७ जनामा भेटिएको छ ।
