बीरगन्ज, ८ भदाै । नेपाल विद्युत प्राधिकरणको कार्यकारी निर्देशकमा कुलमान घिसिङलाई नै निरन्तरता दिनुपर्ने अनेरास्वबियूका केन्द्रीय सदस्य तथा नेकपा पर्सा ज़िल्ला सदस्य प्रभाकर गुप्ताले माग गरेका छन् ।
नेपाललाई लाेडसेडिंग मुक्त बनाउन सफल भएका घिसिङलाई प्राधिकरणकाे निर्देशकमा निरन्तरता दिन नेता गुप्ताले माग गरेका हुन् ।
उद्याेग कलकारखाना तथा देशकाे वस्तुस्थिती चाैपट भइरहेका बेला प्राधिकरणकाे नेतृत्व सम्हालेका घिसिङले नेपाललाइ लाेडसेडिङ मुक्त बनाउँदै उद्धारणीय कार्य गरेकाे गुप्ताले बताए । घिसिङले सिमित स्राेत साधनकाे उपयाेगबाट प्रत्येक नेपालीकाे घरघरमा विद्युत पुर्याएका कारण पनि उनलाई पदमा निरन्तरता दिन नेता गुप्ताले सरकारसँग आग्रह गरेका छन् ।
देशले अन्धकार र प्राधिकरणले चर्को घाटा भोगिरहेका बेला घिसिङको कार्यसम्पादनले देशबाट अन्धकार हटाएको र प्राधिकरणलाई नाफामा पुर्याएका कारण उनलाई पदमा पुनः बहाली गर्नुपर्ने माग जनस्तरबाट उठिरहेको नेता गुप्ताको भनाई छ । विद्युत प्राधिरकरणकाे निर्देशकमा कुशल प्रशासक घिसिङकाे विकल्प नदेखिएकाे नेता गुप्ता बताउँछन् ।
नेता गुप्ता काेराेना संक्रमित भइ विगत १२ दिन देखि हाेम आइसोलेसनमा उपचाररत छन् ।
