काठमाडौं । कोरोना भाइरसको संक्रमणबाट थप ६ जनाको मृत्यु भएको छ। बुधबार स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले कोरोना संक्रमणबाट ६ जनाको मृत्यु भएको जानकारी दिए ।
मृतकहरुमा तीन पुरुष र तीन महिला रहेका छन्। मृत्यु हुनेमा काठमाडौँकी ८३, कास्कीकी ७३ र बाँकेकी ८० वर्षीया महिला रहेका छन् भने काठमाडौँका ६७, अर्घाखाँचीका ४२ र नवलपरासीका ६४ वर्षीय पुरुष रहेका छन् ।
योसँगै नेपालमा कोरोनाबाट मृत्यु हुनेको संख्या ३१२ पुगेको छ।