काठमाडौं । पछिल्लो २४ घण्टामा एक हजार ३९ कोरोना संक्रमित फेला परेका छन् । आइतबार स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले ९ हजार ३६५ जनाको पीसीआर परीक्षण गरिएकोमा एक हजार ३९ संक्रमित फेला परेको बताए ।
- Advertisement -
योसँगै कुल संक्रमितको संख्या ५४ हजार १५९ पुगेको छ । हाल सक्रिय संक्रमितको संख्या १५ हजार ११७ रहेको छ ।
यस्तै पछिल्लो २४ घण्टामा एक हजार १७३ जना डिस्चार्ज भएका छन् । हालसम्म ३८ हजार ६९७ जना डिस्चार्ज भएका छन् ।
देशभरका संस्थागत आइसोलेसन ७ हजार ७३० जना र होम आइसोलेसनमा ५ हजार ३८७ जना रहेका छन् । आजसम्म देशभर ६ हजार ५३६ जना क्वारेन्टिनमा रहेका छन् ।
- Advertisement -
देशभर २३ जनाको भेन्टिलेटरमा उपचार भइरहको छ । देशभर १६९ जना आईसीयूमा राखेर उपचार भइरहेको छ ।
