वीरगन्ज,९ असोज – नेपाली कांग्रेसका केन्द्रिय सदस्य रमेश रिजालले पार्टीको १४ औं महाधिबेशनले फेरि पनि शेरबहादुर देउवालाई नै पार्टी सभापती चुन्ने दावी गरेका छन् ।
अहिले दोस्रो पुस्तालाई नेतृत्व सुम्पी हाल्ने अवस्था नरहेकाले पार्टी सभापतीमा देउवाको बिकल्प नरहेको वताए । पार्टी सभापतीका लागि अहिले आकाक्षीहरु धेरै देखिए पनि मनोनय सम्ममा दुई/तीन जनाको मात्र नाम आउने र त्यसमा पनि देउवा निर्बिकल्प बन्ने उनको दावी छ ।
वीरगन्जको एक रेडियोसँग कुराकानी गर्दै नेता रिजालले पार्टीको १४ औं महाधिबेशन तोकिएको मिति फागुनमा सम्भव नहुने पनि बताए । बिश्व व्यापी कोभिड महामारीका कारण धेरै जिल्लामा पार्टीको अधिवेशनहरु अवरुद्ध हुन पुगेकाले केन्द्रीय महाधिवेशन पनि फागुनमा सम्भव नदेखिएको रिजालले वताए ।
कांग्रेस केन्द्रीय समितिको बैठकले १४ औं महाधिवेशन फागुन ७ गते देखि १० गते सम्मको लागि तय गरेको भए पनि बिषम परिस्थितीका कारण निर्धारित समयमा नभए पनि छिटै अर्को मिति तय दावी गरे । कांग्रेसलाई प्रतिपक्षीको भुमिका निर्वाह गर्न नसकेको आरोप लागिरहेको भए पनि सरकारले गरेको गलत निर्णयको बिरोधमा पार्टी सँधै कडा रुपमा प्रस्तुत भएको नेता रिजालले बताए ।