बीरगन्ज, ९ असोज । समाजमा व्याप्त समस्याहरुलाई समेट्दै बीरगन्जका युवाहरुद्धारा तयार पारिएको एक म्युजिक भिडियोको विमोचन भएको छ । निम्न वर्गिय परिवारको पिडा तथा वेदनालाई विषयवस्तु बनाएर तयार पारिएको पेट बडी पापी बोलको म्युजिक भिडियोको विमोचन भएको हो ।
श्याम सर्राफको शब्द/स्वरमा रहेको गीतलाई संगीतकार विवेक परियारले संगीतबद्ध गरेका छन् । राजन श्रीवास्तवले निर्देशन गरेको भिडियोमा राकेश यादवले अभिनय गरेका छन् ।
बीरगन्ज माईस्थानस्थित दरबार होटेलमा भएको विमोचन समारोहमा संविधान सदस्य अनिल रुंगटाले म्युजिक भिडियोको विमोचन गरेका थिए ।
समारोहलाइ सम्बोधन गर्दै प्रमुख अतिथी समेत रहेको रुंगटाले समाजको यर्थाथ अवस्थाको चित्रण गरिएको यस गीतलाई सफलताको शुभकामना व्यक्त गरे । उनले गीतका माध्यमले संस्कृतीको जर्गेणामा यहाँका युवाहरुको प्रयासको प्रशंसा गरे । भोजपुरीमा अश्लीलताले प्रश्रय पाईरहेका बेला यस्ता मौलिक गीतसंगीतहरुले भोजपुरीको गरिमा जोगाउने कार्य गरेको उनको भनाई छ ।
जेंवना-भोजपुरिया सनेसा बीरगन्जका अशोक कुशवाहाको अध्यक्षतामा भएको समारोहमा नेपाल पत्रकार महासंघ पर्साका उपाध्यक्ष केसी लामिक्षाने, जनता समाजवादी पार्टीका युवा नेता तबरेज अहमद, भिजिट मधेशका राष्ट्रिय संयोजक ओमप्रकाश सरार्फ, समाजिक अभियान्ता प्रकाश थारु लगायतकाले शुभकामना मन्तव्य व्यक्त गरेका थिए । कार्यक्रमको सहजीकरण सञ्चारकर्मी माधुरी महतोले गरेकी थिईन् ।