बीरगन्ज, ९ असाेज । डा. केसीको समर्थनमा यहाँका चिकित्सकहरु पनि आन्दोलित भएका छन् । नेपाल चिकित्सक संघ नारायणीमा आबद्ध चिकित्सकहरुले डा. केसीको समर्थनमा प्रदर्शन गरेका हुन् ।
चिकित्सकहरुले चिकित्सक संघको कार्यालयमा एउटा कार्यक्रम आयोजना गरी केहीबेर प्रदर्शन गरेका थिए । प्रहरीले डा. केसीसँग गरेको अभद्र व्यवहारको लागि माफी माग्दै उनको सम्पूर्ण जायज मागलाई सरकारले पूरा गर्नुपर्ने भन्दै प्रदर्शन गरेका थिए ।
चिकित्सकहरुले हिजोदेखि हातमा कालो पट्टि बाधेर सांकेतिक विरोधसमेत गर्दै आएका छन् ।