काठमाडौं । कोरोना भाइरसका थप एक हजार ३५१ संक्रमित थपिएका छन् । सोमबार स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा देशभर एक हजार ३५१ संक्रमित थपिएको बताए ।
यससँगै कुल संक्रमितको संख्या ७४ हजार ७४५ पुगेको छ । हाल सक्रिय संक्रमितको संख्या १९ हजार ६२४ रहेको छ ।
यस्तै पछिल्लो २४ घण्टामा ७४२ जना देशभरका विभिन्न अस्पतालबाट डिस्चार्ज भएका छन् । हालसम्म ५४ हजार ६४० जना डिस्चार्ज भएका छन् । हाल डिस्चार्ज हुने दर ७३ दशमलव १ प्रतिशत रहेको छ ।
पछिल्लो २४ घण्टामा देशभरका प्रयोगशालाहरुमा १० हजार ८० जनाको पीसीआर परीक्षण गरिएको छ । हाल पीसीआर परीक्षण गर्नेको संख्या ९ लाख ९८ हजार ४०७ पुगेको छ ।
देशभरका संस्थागत आइसोलेसन ८ हजार ६९५ जना र होम आइसोलेसनमा १० हजार ९२९ जना रहेका छन् । आजसम्म देशभर ६ हजार ३१० जना क्वारेन्टिनमा रहेका छन् ।