काठमाडौं, १ कार्तिक- नेपालबाट मनसुन पूरै बाहिरिएको छ ।
मौसम पूर्वानुमान महाशाखाका अनुसार गत जेठ ३० गते नेपाल प्रवेश गरेको मनसुन हिजो कात्तिक ३० गतेबाट बाहिरिएको हो ।
शुक्रबार दिउँसो ‘मनसुन बहिर्गमन बुलेटिन’ जारी गरी महाशाखाले असोज ३० गतेदेखि देशको सम्पूर्ण भूभागबाट यस वर्षको मनसुन बाहिरिएको जानकारी दिएको हो ।
‘२०७७ जेठ ३० गतेदेखि नेपालको पूर्वी भूभागबाट प्रवेश गरेको यस वर्षको मनसुन सुदूरपश्चिम प्रदेश, कर्णाली प्रदेश र प्रदेश ५ को पश्चिमका केही भूभागबाट असोज १५ गते नै बहिर्गमन भइसकेको सर्वविदित नै छ,’ महाशहाखाले जारी गरेको बुलेटिनमा भनिएको छ, ‘ मिति २०७७ सा असोज ३० गतेदेखि देशका सम्पूर्ण भूभागबाट यस वर्षको मनसुन बहिर्गमन भएको बेहोरा अनुरोध छ ।’
मनसुन बाहिरिनु भनेको औपचारिक रूपमा वर्षात् मौसमको अन्त्य हुनु हो । अब भारी वर्षाको सम्भावना रहँदैन ।
महाशाखाका अनुसार अहिले नेपालमा उल्लेखनीय मौसमी प्रणाली छैन भने प्रदेश नं १, बागमती, गण्डकी र कर्णाली प्रदेशका पहाडी भूभागमा आंशिक बदली रही बाँकी भू भागहरूमा सामान्यतया मौसम सफा छ ।
यस्तो छ आज र भोलिको मौसम पूर्वानुमान
कार्तिक ०१ गते (शनिबार)
दिउँसो : प्रदेश १ र बागमती प्रदेशमा आंशिकदेखि सामान्य बदली तथा गण्डकी, लुम्बिनी र कर्णाली प्रदेशमा आंशिक बदली रही बाँकी भू(भागहरुमा सामान्यतया मौसम सफा रहनेछ। प्रदेश १, बागमती र गण्डकी प्रदेशका एक(दुई स्थानमा हल्का वर्षाको सम्भावना छ।
राती : प्रदेश न १, बागमती, गण्डकी, कर्णाली प्रदेशमा आंशिक बदली रही अन्य भू(भागहरुमा मौसम सामान्यतया सफा रहनेछ। प्रदेश न १ र गण्डकी प्रदेशका पहाडी भू(भागका एक(दुई स्थानमा हल्का वर्षाको सम्भावना छ।
कार्तिक ०२ गते (आइतबार)
दिउँसो : प्रदेश १, बागमती , गण्डकी प्रदेशका पहाडी भूभागहरुमा आंशिकदेखि सामान्य बदली रही अन्य भू(भागमा मौसम सामान्यतया सफा रहनेछ। प्रदेश १, बागमती प्रदेश र गण्डकी प्रदेशका थोरै स्थानहरुमा हल्का वर्षाको सम्भावना छ।
राती : प्रदेश १, बागमती, गण्डकी, कर्णाली र सुदूरपश्चिम प्रदेशमा आंशिकदेखि सामान्य बदली रही अन्य भू(भागमा मौसम सामान्यतया सफा रहनेछ। प्रदेश १, बाग्मती प्रदेशर गण्डकी प्रदेशका थोरै स्थानहरुमा हल्का वर्षाको सम्भावना छ।