काठमाडौँ । इंग्ल्याण्ड नेशन्स लिग फुटबलको पहिलो चरणबाटै बाहिरिएको छ ।
- Advertisement -
समूह ए टू अन्तर्गत आइतबार राति भएको खेलमा बेल्जियमसँग २–० ले पराजित भएको इंग्ल्याण्डको फाइनल चरणको सम्भावना सकिएको हो ।
घरेलु मैदानमा भएको खेलमा बेल्जियमका लागि १०औँ मिनेटमा युरी टिएल्मन्सले गोल गरे ।
- Advertisement -
यस्तै २३औँ मिनेटमा ड्राइज मर्टेन्सले गरेको गोल नै इंग्ल्याण्डका लागि पर्याप्त रह्यो ।
विश्व बरियतामा शीर्ष स्थानको बेल्जियमसँग २–० ले हारेसँगै इंग्ल्याण्डको फाइनल चरण खेल्ने सपना टुटेको छ ।
जितसँगै पाँच खेलबाट १२ अंक जोडेको बेल्जियम समूहको शीर्ष स्थानमा छ । सात अंक जोडेको इंग्ल्याण्ड तेस्रो स्थानमा छ ।
सोही समूहमा १० अंकसहित डेनमार्क दोस्रो स्थानमा छ ।
