बीरगन्ज, मंसिर ४ । हिन्दु धर्मावलम्बीहरुको महान चाड छठ पर्वको अवसरमा दलित महिलाहरुलाई साडी वितरण गरिएको छ ।
पर्साको बहुदरामाई नगरपालिका वडा न. ५ बार्वा टोलका २ सय १० जना दलित महिलाहरुलाई साडी वितरण गरिएको हो ।
आर्थिक अवस्था कमजोर भएका र गरिब, विपन्न परिवारका महिलाहरुलाई छठ पर्व मनाउन सघाउ पुगोस भन्ने अभिप्रायले साडी वितरण गरिएको हो ।
नगरप्रमुख नितेन्द्र साह, वडाअध्यक्ष रामेश्वर प्रसाद साह, पुर्व वडा अध्यक्ष बिष्णुदेव कुश्वाह, हरिन्द्र महरा, शंकर साह लगायतको रोहवरमा साडी वितरण गरिएको हो ।