सोमवार, साउन १८, २०७८

26.1 C
Kathmandu
31.4 C
Birgunj

कोरोनाको उपचारमा रेमडेसिभिरको प्रयोग नगर्न डब्ल्यूएचओको सुझाव

सिफारिस

काठमाडौं । कोरोना भाइरस (कोभिड–१९) को उपचारमा एन्टिभाइरस औषधि रेमडेसिभिरको प्रयोग नगर्न विश्व स्वास्थ्य संगठन (डब्ल्यूएचओ)ले सुझाव दिएको छ । डब्ल्यूएचओको एक्सपर्ट प्यानलले यो औषधिले संक्रमितको अवस्थामा सुधार भएको कुनै प्रमाण नभेटिएकाले गम्भीर बिरामीमा पनि यो औषधि प्रयोग नगर्न सुझाव दिएको हो ।

- Advertisement -

डब्ल्यूएचओको गाइडलाइन डेभलपमेन्ट ग्रुपका अनुसार चारओटा अन्तर्राष्ट्रिय परीक्षणमा सहभागी सात हजार मानिसमा गरिएको परीक्षणमा रेमडेसिभिरको प्रयोगले संक्रमितको उपचारमा सहयोग नपुगेको पाइएको हो । डब्ल्यूएचओले सार्वजनिक गरेको विज्ञप्तिमा रेमडेसिभिरको प्रयोगको असर मृत्युदर, बिरामीको अवस्था र क्लिनिकल सुधारमासमेत अर्थपूर्ण प्रभाव नदेखिएको उल्लेख छ । यसअघि गत अक्टोबरमा डब्ल्यूएचओले रेमडेसिभिरको प्रयोगले संक्रमित निको हुने समयमा खासै केही फरक नपाइएको बताएको थियो ।

- Advertisement -

अमेरिकाको फुड एण्ड ड्रग एड्मिनिस्ट्रेसेनले गत मे १ मा यो औषधिलाई आपतकालीन प्रयोगका लागि अनुमति दिएको थियो । अन्य केही मुलुकहरुमा पनि यो औषधिलाई नियामकहरुले अनुमति दिएका छन् । डब्ल्यूएचओको एक्सपर्ट प्यानलले समग्रमा रेमडेसिभिर कुनै फाइदा नभएको भन्ने प्रमाणित नभएको बताएको छ । -स्रोत : अलजाजिरा

- Advertisement -spot_img

ताजा समाचार

थप समाचार

- Advertisement -