वीरगञ्ज, १५ मंसिर । विश्व एड्स दिवस २०२० को अवसरमा वीरगञ्जमा कार्यशाला गोष्ठी सम्पन्न भएको छ ।
नारायणी अस्पतालको आयोजना तथा ए एच एफ नेपालको सहयोगमा कार्यक्रम सम्पन्न भएको हो । नारायणी अस्पतालको प्रयोगशाला विभाग प्रमुख डा. निरा पाठकको सभापतित्वमा भएको कार्यक्रममा नारायणी अस्पतालको प्रयोगशाला र निजि प्रयोगशालासँग सम्बन्धीत रहेकाहरुविच छलफल भएको थियो ।
एच आई भि संक्रमितहरुलाई निजि अस्पतालहरुले पनि उचित सल्लाह सुझाव र सद्भाव देखाउनुपर्नमो सहभागीहरुले जोड दिएका थिए । सो अवसरमा ए एच एफ नेपालका डा. उन्न श्रेष्ठ, कृष्णहरी बरालले प्रस्तुती दिनुभएको थियो ।
एच आई भि को परिक्षण, रेफर तथा लिङ्केज प्रणालीलाई सुदृढीकरण गर्ने उद्देश्यमा केन्द्रित भएर छलफल भएको थियो । एक आपसमा अन्तरक्रिया तथा छलफलपश्चात सहभागीहरुले एच आई भि परिक्षण तथा रेफर प्रणालीलाई व्यवस्थित बनाउने प्रतिबद्धता गरेका थिए ।
कार्यक्रमको सहजिकरण ए एच एफ नेपालका जिल्ला प्रतिनिधि आशीष गुरागाईले गर्नुभएको थियो ।