काठमाडौंं । सत्तारुढ नेपाल कम्युनिष्ट पार्टी (नेकपा)को सचिवालय सुरु भएको छ। प्रधानमन्त्री निवास बालुवाटारमा बसेको बैठकमा
प्रधानमन्त्रीसमेत रहेका अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डले पेस गरेका प्रस्तावमाथि छलफल गर्ने कार्य सूची छ ।
आजको बैठकमा प्रतिवेदनमाथि केन्द्रित भएर छलफल हुने र अहिलेको गतिरोध अन्त्यका लागि एउटा निष्कर्ष निकाल्ने प्रयास हुने नेताहरुले बताएका छन्।
अध्यक्ष प्रचण्डले कात्तिक २८ गते बसेको सचिवालय बैठकमा १९ पृष्ठको राजनीतिक प्रस्ताव पेस गरेका थिए।
त्यसको जवाफ दिँदै ओलीले मंसिर १३ गते ३८ पृष्ठको जवाफी प्रस्ताव ल्याएपछि त्यसलाई अध्ययन गरेर छलफल गर्नका लागि आजको बैठक राखिएको हो।