जनकपुरधाम,३० मंसिर। जनकपुरधामस्थित प्रादेशिक अस्पतालको कोभिड-१९ आइसोलेसन वार्डमा काम गर्ने कर्मचारीहरुले तलब/भत्ता नपाएपछि आन्दोलित भएका छन्।
आफ्नो ज्यानको प्रवाह नगरी आइसलेसनमा खटिएका करिब ५० जना चिकित्सक, नर्स र अन्य कर्मचारीहरुले ६ महिनाकाे भत्ता र दुई महिनाको तलब नपाएपछि आन्दोलन गर्ने भएका छन् ।
नाम उल्लेख नगर्ने सर्तमा एकजना कर्मचारीले भने “हिजो मात्र हामीले दुई घण्टा अस्पताल प्रशासनमा तालाबन्दी गर्यौं, पछि नेतृत्वले हामी छिट्टै व्यवस्थापन गर्ने भन्नु भएको थियो।” आफूहरुले जोखिम मोलेर काम गर्दा पनि तलब नपाएको भन्दै माँग सम्बोधन नभए आइसोलेसनमा पनि तालाबन्दी गरी आन्दोलनमा उत्रने उनीहरुको चेतावनी रहेको छ ।
