बीरगन्ज, ६ पौष । सोनार युवा अभियानका सक्रिय युवाहरुको समुहले समर्पण सेवा संस्गानको सहयोगमा ३५ जनालाई न्यानो कपडा वितरण गरेको छ ।
वीरगञ्जको घण्टाघर, बसपार्क, लक्ष्मनुवा, शंकराचार्य गेट, आदर्शनगर, नारायणी अस्प्ताल, लगायतका क्षेत्रमा सडक तथा पेटीमा बस्ने ३५ जनालाई ज्याकेट वितरण गरिएको हो ।
सोनार युवा अभियानका राजकुमार सर्राफ, हरी ओम सर्राफ, सुनिल योगि, बिजय सर्राफ, आदित्य सर्राफ, सत्यपाल सर्राफ, जयपाल सर्राफ, रमेश सर्राफ, रामदयाल सर्राफ लगायतका युवाहरुको सक्रियता र सहयोगमा न्यानो कपडा वितरण गरिएको हो ।
बढ्दै गरेको चिसोबाट सडकमा बास बस्ने बेसहारालाई थोरै भएपनि न्यानो प्रदान गर्ने उद्देश्यले ज्याकेट वितरण गरिएको अभियानका संयोजक राजकुमार सर्राफले जानकारी दिनुभयो ।