बीरगञ्ज, २१ पुष । मंगलबार सुनको मूल्य तोलामा ११ सय रुपैयाँले बढेको छ । मंगलबार सुन तोलाको ९६ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
- Advertisement -
अमेरिकी डलर कमजोर हुँदा सुनको मूल्य बढेको हो । भारतीय मुद्रा अमेरिकी डलरको तुलना कमजोर हुँदा नेपालमा सुनको मुल्य बढेको महासंघले जनाएको छ । अन्तर्राष्ट्रिय बजारमा मंगलबार सुन प्रति औंश १९ सय ४० डलर पुगेको छ ।
सोमबारको भन्दा मंगलबार झण्डै १९ डलरले सुनको मूल्य बढेपछि नेपालमा पनि प्रभाव परेको महासंघ अन्तरर्गतको भाउ निर्धारण समिति संयोजक तेजरत्न शाक्यले बताउनुभयो ।
- Advertisement -
यस्तै मंगलबार चाँदी पनि तोलामा १० रुपैयाँ बढेर तोलाको १३ सय ३५ रुपैयाँमा कारोबार भइरहेको छ ।
