केपी ओली प्रतिगमनकारी तानाशाह हुन् : शाक्य

काठमाडौं । प्रचण्ड–नेपाल नेतृत्वको नेकपा स्थायी समिति सदस्य अष्टलक्ष्मी शाक्यले केपी ओली प्रतिगमनकारी तानाशाह भएको बताएकी छन् । बुधबार प्रचण्ड–नेपाल समूहको बागमती प्रदेश स्तरीय कार्यकर्ता भेलालाई सम्बोधन गर्दै नेतृ शाक्यले प्रधानमन्त्री ओली प्रतिगमनकारी तानाशाही, स्वेच्छाचारी भएका कारुण आफूले कामरेड भन्न छाडेको बताइन् ।
‘केपी ओलीलाई कमरेड भन्न छाडिसकेकी छु। उहाँ कमरेड होइन अब, उहाँ त प्रतिगमनकारी हो, तानाशाही हो, स्वेच्छाचारी हो’, शाक्यले भनिन्।

- Advertisement -

उनले नेपाली जनताले बलिदान गरेर ल्याएको गणतन्त्र, संविधान, संघीयताको ओलीले चीरहरण गरेको आरोप लगाइन्।

- Advertisement -

‘ओलीले हामीले दुःख गरेर बलिदान गरेर ल्याएको संविधानमाथि धावा बोले, संघीयतामाथि, गणतन्त्रमाथि अपहरण र चीरहरण गरेका छन्, त्यस्तो व्यक्तिलाई किन कमरेड भन्नेरु त्यसैले उहाँ तानाशाही नेता हो’, उनले भनिन्।