काठमाडौं । प्रचण्ड–नेपाल नेतृत्वको नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्डले आफूहरूसँग ७२ प्रतिशत केन्द्रीय सदस्य रहेको दावी गरेका छन्।
- Advertisement -
बुधबार नेकपा काठमाडौँले नेपाल प्रज्ञा प्रतिष्ठानमा आयोजना गरेको कार्यकर्ता भेलालाई सम्बोधन गर्दै अध्यक्ष प्रचण्डले ओली समूहसँग ३० प्रतिशत पनि केन्द्रीय सदस्य नरहेको बताए ।
प्रधानमन्त्री केपी शर्मा ओलीले आफूहरुलाई भगौडा भनेको प्रश्नको जवाफमा प्रचण्डले ओली समूह नै भगौडा समूह भएको बताए ।
‘उहाँ (केपी ओल)ले हामीलाई भगौडा भन्नुभएछ। ३० प्रतिशत पनि नभएको रैथाने, ७२ प्रतिशत हुने भगौडा हुने ?, अध्यक्ष प्रचण्डले भने।
- Advertisement -
उनले १४१ जनाको केन्द्रीय समितिमा १० जना जुटेर ११ सय भन्दा बढीको केन्द्रीय सदस्य बनाउने विक्षिप्त मानसिकता भएको बताए।
