बीरगन्ज,११माघ । बारामा गाडी दुर्घटना हुँदा एक जनाको ज्यान गएको छ । बाराको पर्वानीपुर गाउँपालिका ४ चैनपुरमा ट्रकको ठक्करबाट पैदलयात्री भारतीय नागरिकको ज्यान गएको हो ।
प्रदेश ३, ०३ ००१ ख ०००९ नम्बरको ट्रकको ठक्करबाट भारतीय नागरिक चन्दन गुप्ताको ज्यान गएको जिल्ला प्रहरी कार्यालय बाराले जनाएको छ । गुप्ताको उपचारका क्रममा बयोधा अस्पताल विरगन्जमा ज्यान गएको हो ।
त्यस्तै,रौतहटको यमुनामाई गाउँपालिका-४ मा ट्याक्टरमा भ्यान ठोक्किँदा भ्यानका चालकको ज्यान गएको छ ।ना ५ त ९२ ८३ नम्बरको ट्र्याक्टरमा ना १ ज ४८ ९५ नम्बरको भ्यानमा ठोक्किएर दुर्घटना हुँदा भ्यानका चालक रौतहटको गरुढा नगरपालिका-९ का राजेशकुमार सहनीको ज्यान गएको जिल्ला प्रहरी कार्यालय बाराले जनाएको छ ।