बीरगन्ज,११माघ । पर्सा र बाराका गरिब, विपन्न तथा दलित ९५ जना बालबालिकालाई न्यानो कपडा वितरण गरिएको छ ।
बढ्दै गरेको चिसो तथा शितलहरबाट प्रभावित भएका बालबालिकाहरुलाई सामाजिक अभियानता प्रकाश थारुको पहलमा काठमाण्डौ निवासी डा. बिपी खनाल र वीरगञ्ज निवासी समाजसेवी राजकुमार घिमिरेको आर्थिक सहयोगमा न्यानो कपडा वितरण गरिएको हो ।
पर्साको पटेर्वासुगौली गाउँपालिका वडा न. ५ मोरटोलस्थित श्री जय दुर्गे दलित आधारभुत विद्यालयमा अध्ययनरत ७३ जना बालबालिकालाई न्यानो कपडा वितरण गरिएको हो । अतिबिपन्न दलित बालकालिकाहरुलाई विद्यालय आवत जावतमा सहज होस् भन्ने अभिप्रायले सहयोग गरिएको सामाजिक अभियानता थारुले बताउनुभयो ।
त्यसैगरी बाराको कलैया उपमहानगरपालिका वडा न. ३ मोतिबागको मुसहर समुदायका २२ जना बालबालिकालाई विद्यालयका शिक्षक शिक्षिका तथा अभिभावकहरुको उपस्थितीमा न्यानो कपडा वितरण गरिएको हो ।