काठमाडौं । प्रधानमन्त्री केपी शर्मा ओलीले ६९ वर्ष पुरा गरी आजबाट ७० वर्षमा लागेका छन् । प्रधानमन्त्री ओलीले आज आफ्नो ७० औं जन्मदिन मनाउँदैछन् । सामाजिक सञ्जालमा बिहानैदेखि उनलाई शुभकामनाको वर्षा भइरहेको छ ।
- Advertisement -
२००८ साल फागुन ११ गते शनिबार तेह्रथुम जिल्लाको इवा गाउँमा बाबु मोहनप्रसाद ओली र आमा स्व. मधु ओलीको पहिलो सन्तानका रुपमा उनको जन्म भएको थियो । ओलीका बुवा मोहनप्रसाद अहिले ९१ वर्षमा हिँडिरेहका छन् । आमालाई भने उनले सानै उमेरमा गुमाएका थिए ।
