जनकपुरधाम, फागुन १९ गते । जनकपुर यातायात व्यवस्था कार्यालयबाट १५ जना विचौलिया पक्राउ परेका छन् ।
बुधबार दिउँसो उनीहरुलाई यातायात व्यवस्था कार्यालय जनकपुरबाट पक्राउ गरिएको धनुषाका प्रहरी नायव उपरीक्षक मकेन्द्र मिश्रले जानकारी दिए ।
उनका अनुसार सर्वसाधारणसंग पैसालिएर काम गराइदिने विचौलियाहरुलाई कार्यालय भित्र तथा वरिपरिबाट पक्राउ गरिएको हो ।
प्रहरीका अनुसार पक्राउ पर्ने बिचौलियाहरुमा श्याम सुन्दर यादव, गौरीशंकर नायक, योगेन्द्र कुमार यादव, अरीफ राईन, भवीद्द्न साह, संजय साह, उमेश कुमार महतो, ध्रमेन्द्र कुमार यादव सहित १५ जना छन् ।
उनीहरूलाई जिल्ला प्रहरी कार्यालय धनुषामा ल्याएर अनुसन्धान गरिरहेको र दोषी भेटिए कानुन बमोजिम कारबाही हुने डीएसपी मिश्रले बताए ।
केहिदिन अघि यातायात कार्यालयबाट एक कार्यालय सहयोगी र एक बिचौलिया घुस रकमसहित अख्तियारको फन्दामा परेका थिए ।