धनुषाको भिमानमा नेपाली विद्यार्थीहरूले तयार गरेको ‘गरुडा’ रकेटको प्रक्षेपण असफल भएको छ । करिब डेढ सय मिटर मात्रैमाथि उडेर गरुडा खसेको कान्तिपुर दैनिकमा खबर छ । लञ्च प्याड, हावाको बहाव र मोटरमा फ्युल बर्न राम्रोसँग नहुँदा प्रक्षेपण सफल हुन नसकेको गरुडाका मुख्य निर्माणकर्ता मोहन तामाङले बताए ।
‘लन्च प्याड अलिक धेरै दह्रो भएर हाम्रो रकेटलाई बढी फ्रिक्सन भयो,’ उनले भने, ‘मोटरमा फ्युल बर्न पनि राम्रोसँग हुन पाएन जसका कारण रकेट जुन गतिमा जानुपथ्र्यो, जान सकेन । हावाका कारणले फर्कियो।’ इन्धन राम्रोसँग नबल्दा रकेट थोरै गतिमा मात्रै उडेको उनले बताए । १० मिटर उचाइको गरुडामा ‘पोटासियम नाइट्रेट र सुगर’ इन्धनका रूपमा प्रयोग गरिएको थियो। यो रकेटमा सो लिड प्रोपलेन्ट फ्युल प्रयोग भएको समाचारमा उल्लेख छ ।
