बीरगन्ज,५ वैशाख । बीरगन्जमा एकजना कोरोना संक्रमित महिलाको मृत्यु भएको छ । बीरगन्ज–१६ नगवा बस्ने ५१ वर्षीया महिलाको मृत्यु भएको हो ।
नारायणी अस्पतालको आइसोलेसन वार्डमा उपचारको क्रममा दिउँसो १:४० बजे उनको मृत्यु भएको डाक्टर निरज सिंहले जानकारी दिए ।
ज्वरो, खोकी लागेपछि उनलाई शनिबार उपचारका लागि नारायणी अस्पताल ल्याइएको थियो ।
उपचारको क्रममा उनलाई निमोनिया भइसकेको पत्ता लागेको थियो । नारायणी अस्पतालकै प्रयोगशालामा गरिएको पीसीआर परीक्षण रिपोर्ट पनि पोजेटिभ थियो ।