काठमाडौं । आज तुलसी रोप्ने दिन हो । घरमा तुलसी रोप्नुका केही कारण र फाइदाहरु छन् ।
फाइदाहरु
–तुलसीको पात काँचै चपाएर पनि खान सकिन्छ । पातको चूर्ण बनाई अदुवा, मरिच आदि मिसाई चिया बनाएर पिउँदा फाइदाजनक हुन्छ ।
–खोकी लागेको बेला तुलसीको पात र अदुवाको टुक्रा पकाएर रस निकालेर मह मिसाएर सेवन गर्नुपर्छ ।
–टाउको दुख्दा तुलसीको रसले निधारमा मालिस गर्नुपर्छ ।
–छाती दुखेमा तुलसीको पात र तोरीको तेल मिसाएर पकाई बिस्तारै छातीमा मसाज गर्नुपर्छ ।
–तुलसीको पातको रसमा ज्वानो मिसाएर पकाई पेटको जुकालाई मार्न प्रयोग गर्नुपर्छ ।
–तुलसीको रसले मुख कुल्ला गर्दा दाँत तथा गिजाबाट रगत बग्न छोड्छ ।
–मुखको दर्गन्ध हटाउन तुलसीको पात चपाउनुपर्छ ।
–कपाल झर्नबाट रोक्न पनि तुलसीको पत्ताको धूलो उपयोगी हुन्छ ।
–तुलसीको पत्ताको रस रातमा अनुहारमा लगाउँदा डण्डीफोरबाट छुट्कारा मिल्छ ।
–तुलसीमा एन्टी अक्सिडेन्ट र एन्टी कार्सिनोजेनिक गुण पाइन्छ । जसले स्तन क्यान्सर र मुखको क्यान्सर बढ्नबाट रोक्छ ।
–तुलसीको पत्ताको तेलमा यूजीनोल, मिथाइल यूजेनल र क्यारियोफिलिन पाइन्छ, जसबाट पेन्क्रियाटिक बीटा सेल्सले राम्ररी काम गर्छ । यसको कारणले शरीरमा इन्सुलिनको मात्रा कायम रहन्छ र रगतमा चिनीको मात्रा पनि ठिक रहन्छ । यसले मधुमेह हुनबाट रोक्छ ।
