बीरगन्ज । म्याद गुज्रेका बिभीन्न प्रकारका कस्मेटिक्स सामानहरुकाे नँया मिति राखि बिक्री बितरण गर्ने गिरोह पक्राउ परेकाे छ ।
पक्राउ पर्नेमा अभिनास अग्रवाल र महावीर गुज्जर रहेका छन् । अपराध महाशाखा र वाणिज्य विभागको संयुक्त टोलीले काठमाडौँ सानो भर्याङस्थित गोदाममा छापा मारेको थियो ।
गोदामबाट टोलीले एक करोडभन्दा बढीको मिति गुज्रेका सामानहरु बरामद गरेको छ ।
बरामद सामग्रीहरुमा कस्मेटिक, एयरफ्रेसनर, स्याम्पू, सरसफाइका सामग्री आदि रहेका छन् । म्याद गुज्रेका सामानमा बिग मार्ट, भाटभटेनी र सेल्स बेरीलगायत डिपार्टमेन्ट स्टोरका लेबलहरु पनि बरामद गरिएको छ । टोलीले गोदामलाई सील गरेको छ ।