मङ्लबार, अशोज ५, २०७८

20.1 C
Kathmandu
24.7 C
Birgunj

करिब ५ करोड मूल्य बराबरको लागुऔषधसहित ९ जना पक्राउ

सिफारिस

नेपाल पाेष्ट डेलीhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौँ । करिब ५ करोड मूल्य बराबरको लागुऔषधसहित प्रहरीले ९ जनालाई पक्राउ गरेको छ । १ के.जी. ५१२ ग्राम लागुऔषध कोकिन सहित प्रहरीले काठमाडौंका विभिन्न स्थानबाट उनीहरुलाई पक्राउ गरेको हो ।

- Advertisement -

प्रहरीका अनुसार लागुऔषध कोकिनको कारोबार भइरहेको सूचनाका आधारमा उनीहरुलाई पक्राउ गरिएको हो ।

प्रहरीले साउन ७ गते काठमाडौँको पकनाजोलको एक होटलेबाट चार जनालाई नियन्त्रणमा लिएको थियो। उनीहरुको साथबाट ५ सय ग्राम कोकिन बरामद गरेको थियो ।

त्यस्तै उनीमध्ये मन गुरुङको डेरा खानतलासी गर्दा २ किलो ४ सय ग्राम पहेँलो धातु समेत फेला पारेको थियो।

लागुऔषध ब्यूराको प्रवक्ता एसपी जीवन श्रेष्ठका अनुसार त्यही घटनायता अनुसन्धान गर्दै जाँदा ९ जनालाई लागुऔषधसहित पक्राउ गरिएको हो ।

ब्यूरोका अनुसार पक्राउ पर्नेमा चितवन स्थित भरतपूर महानगरपालिका –७ का ४५ वर्षीय सुरोज गुरुङ, काठमाण्डौं महानगरपालिका –३ की४३ वर्षीय अन्जु थापा मगर, ३९ वर्षीय मुना तामाङ, २८ वर्षीय रक्की आलेमगर, २३ वर्षीय रायल थापामगर, भारत दक्षिण गोवा नग्गारवडाका ३९ वर्षीय सन्दिप पटेल, धादिङ्, निलकण्ठ नगरपालिका–११ का २७ वर्षीय मिराज ढकाल, २७ वर्षीय मछिन्द्र धमला र काठमाडौं महानगरपालिका –२३ का ४९ वर्षीय सुदन शाक्य रहेका छन् ।

प्रहरीले उनिहरुका साथबाट १ के.जि. ५१२ ग्राम कोकिन, २५ ग्राम चरेश, ९ ग्राम गाँजा र नदग रु ७ लाख ८८ हजार समेत बरामद् गरेको छ । बरामद लागुऔषधको अबैध बजार मुल्य ४ करोड ५३ लाख ६० हजार भन्दा बढी रहेको प्रहरीले जनाएको छ ।

लागुऔषध नियन्त्रण ऐन २०३३ अनुसार म्याद लिई थप अनुसन्धान भइरहेको प्रहरीले जनाएको छ ।

- Advertisement -spot_img

ताजा समाचार

थप समाचार

- Advertisement -