बीरगन्ज, १८ भदौ । एनआईसी एसिया बैंकको धोबीनी शाखामा चोरी भएको । पर्साको धोबीनी गाउँपालिका वडा नं ४ लंगडी बजारमा रहेको बैंकको शाखा कार्यालयमा चोरी भएको हो । बैंकको मुल गेटको सटर फोडेर चोरी भएको प्रहरीले जानकारी गराएको छ ।
बैंकमा राखिएको एक थान ल्याप्टप र कम्प्युटरका साथै केही सामानहरु चोरी भएको बैंकका शाखा प्रबन्धक सचितानन्द चौहानले बताएका छन् । चोरहरुले बैंकको पैसा राख्ने लकर फुटाउने कोसिस पनि गरेका थिए । तर, फुटाउन सकेनन् ।
बैंकमा दिनमा मात्र सुरक्षा गार्ड राख्ने गरिएको तर रातिको समयमा भने सुरक्षागार्ड नराखिएकाले बैंककै लापरवाहीले चोरीको घटना भएको स्थानियहरुले आरोप लगाएका छन बैंकमा जडान गरिएको सिसिटिभी क्यामेरा पनि तोडफोड गरिएको अवस्थामा भेटिएको छ ।
चोरीको घटना बारे जानकारी पाएपछि शुक्रबार बिहान सदरमुकाम बीरगन्जबाट पर्साका प्रहरी उपरीक्षक बेलबहादुर पाण्डे आफैँ चोरी भएको स्थलमा पुगेका थिए ।
