बीरगन्ज, २७ भदौ । शनिबार बाराको निजगढ नगरपालिका स्थित होटल तारा ईनमा प्रहरीले सञ्चारकर्मी माथि गरेको दुरव्यवहारको नेपाल पत्रकार महासंघ प्रदेश २ ले भत्र्सना गरेको छ । पत्रकार महासंघ प्रादेशिक कार्य समिति प्रदेश २ ले आईतबार एक विज्ञप्ती जारी गर्दै घटनाको निन्दा गरेको हो ।
होटलमा प्रहरीले गरेको छापामारीको दृश्य मोबाईलमा कैद गर्ने क्रममा मोबाईल खोसी फोटो मेटाउने तथा अपशब्द प्रयोग गर्ने काम प्रहरीबाट भएको भन्दै उक्त घटनाप्रति महासंघको गम्भीर ध्यानाकर्षण भएको महासंघका महासचिव श्याम बन्जाराद्वारा जारी विज्ञप्तीमा उल्लेख गरिएको छ ।
प्रहरीको यस्तो गैर जिम्मेवार शैलिले सिंङ्गो पत्रकारिता जगतप्रति राज्यले गर्ने व्यवहार प्रदर्शन हुने भएकाले त्यस्ता निन्दनीय कार्य अबिलम्ब रोकी घटनाको छानबिन गरी दोषीलाई कारवाही गर्न विज्ञप्ती मार्फत आग्रह गरिएको हो ।
यसैबिच महोत्तरी जिल्लाको गौशाला नगरपालिका स्थित रेडियो रुपान्तरणका सञ्चारकर्मी नागेन्द्र साहलाई समाचार लेखेकै आधारमा धनकौल गाँऊपालिका वडा नम्बर ४ का कुन्दन मिश्राले मोबाईल फोन मार्फत ज्यान मार्ने धम्की दिएको घटनाको निन्दा गर्दै निज मिश्रालाई अबिलम्ब पक्राऊ गरी अनुसन्धान सहित कानुनी का
रबाही गर्न महासंघले माग गरेको हो ।
