बीरगन्ज,१५ मंसिर – मध्य तराईको पहिलो रडियो स्टेशन रेडियो बीरगन्ज ९९ मेगाहर्जले आफ्नो १९ औं बार्षिक उत्सव सताव्यापी कार्यक्रमको आयोजना गरी मनाउँने जनाएको छ । रेडियो परिसरमा बुधवार आयोजित पत्रकार सम्मेलनमा पर्सा एफ.एम. प्रा.लि.का कार्यकारी अध्यक्ष ध्रुव साहले रक्तदान कार्यक्रमलाई पहिलो प्राथमिकतामा राखी बार्षिक उत्सवको अवसरमा अन्य कार्यक्रमको पनि आयोजना गर्ने बताए ।
रेडियोले मंसिर १८ गते देखि २७ गते सम्म बिभिन्न कार्यक्रमको आयोजना गर्ने कार्य सूची तयार गरेको साहले पत्रकार सम्मेलनमा जानकारी दिए । कार्यक्रम अन्तरत १८ गते रेडियो परिसरमा बृहत रत्तदान कार्यक्रम,२५ गते आदर्श नगर बीरगन्जमा बृहत संस्कृतिक कार्यक्रम तथा २७ गते बीरगन्ज टिभीको नियमित प्रसारण लगायतको कार्यक्रम आयोजना गर्ने अध्यक्ष साहले बताए ।
२५ गते आयोजना हुने बृहत संस्कृति कार्यक्रमको सम्पूर्ण तयारी पुरा भएको तथा कार्यक्रममा राष्ट्रिय तथा स्थानिय कलाकारहरुको बेजोड प्रस्तुती रहने पत्रकार सम्मेलनमा साहले जनाकारी दिए ।
संस्कृति कार्यक्रममा नेपालका चर्चित गायक हेमन्त शर्मा,प्रकाश सपुत,अमिस्ता अधिकारी,एलिना चौहान,कमल खत्री,संजु अमात्य,सुनिल पंडित,कमेडियन सुबोध गुप्ता तथा कलिउड डाण्स ग्रुप हेटौडाका कलाकारहरुले प्रस्तुती दिने कार्यक्रममा तय भएको रेडियोका अध्यक्ष साहले बताए ।
पत्रकार सम्मेलनमा पत्रकार महासंघ पर्साका सल्लाहाकार रितेश त्रिपाठी,समुदायिक प्रहरीका राम शर्राफ,कान्तिपुरकर्मी पंकज श्रेष्ठ,आरके पटेल,जसपाका बीरगन्ज महानगर अध्यक्ष ईश्वचन्द्र यादव लगायतको उपस्थिती रहेको थियो । कार्यक्रमको सहजिकरण रेडियो बीरगन्जका समाचार बाचक एवम् प्रस्तोता उज्जवल घिमिरेले गरेका थिए ।