जनकपुरधाम, पुुस ७ । निधि पक्षका रामसरोज यादव पक्षले भोलि र देउवा पक्षले आजै राति नै मतदान गराउनु पर्ने भन्ने माग गरिरहेको बेला झडप भएको हो ।
अहिले मतदान स्थलको अवस्था तनावग्रस्त बनेको छ । दिउँसो १ बजेबाट मतदान गर्ने निर्वाचन समितिले भनेपनि अहिलेसम्म सुरु हुन सकेको छैन । निर्वाचनस्थल स्थानीय गोपाल धर्मशालामा सभापतिका उम्मेदवारद्वय रामसरोज यादव र कृष्ण प्रसाद यादव पक्षका युवाहरुले निर्वाचन गराउने वा नगराउने बिषयमा नारावाजी गरिरहेका छन् ।
रामसरोज प्यानलका युवाहरु गृहमन्त्री बालकृष्ण खाँणबिरुद्ध नारावाजी गरिरहेका छन् भने कृष्ण यादव प्यानलका युवाहरु मन्त्री रामसरोज यादवबिरुद्ध नारावाजी गरिरहेका छन् । सोही क्रममा दुबै समूहबिच सामान्य झडप समेत भएको छ ।
कृष्ण यादव पक्षले आजै निर्वाचन हुनुपर्ने अडान राखेका छन् भने रामसरोज पक्षका युवाहरुले भोली बिहीबार निर्वाचन गर्नुपर्ने भन्दै नारावाजी गरिरहेका छन् ।