काठमाडौँ,२६ पुस । पर्यटनमन्त्री प्रेमबहादुर आलेले नारायणहिटी दरबार संग्रहालयभित्र भौतिक संरचना बनाउने बतासविरुद्ध कारबाही गर्न आफूलाई प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीले पनि आफूलाई साथ दिएको दाबी गरेका छन् ।
मन्त्री आलेले आज आयोजित पत्रकारसम्मेलनमा बतास समूहलाई संग्रहालयको जग्गा दिने कार्यविरुद्ध कारबाही गर्न आफूलाई सबैको साथ रहेको दाबी गरेका हुन् ।
‘प्रधानमन्त्री देउवाले त मलाई यो काम गरेकोमा धन्यावाद दिइसक्नु भएको छ । ओलीले पनि यसमा आफूलाई नजोड्न भनेर मेरो कामलाई साथ दिनु भएको छ,’ आलेले भने, ‘साँठगाँठको कुरा थाहा भएन उहाँहरु दुवैले मलाई साथ दिनु भएको छ । मलाई कसैले रोकतोक गर्दैन ।’