बीरगन्ज, ७ माघ । बीरगन्जमा जारी चौथो सहाना प्रधान स्मृती राष्ट्रिय महिला हक्की प्रतियोगिताको फाइनलमा नेपाली सेनाको समूह प्रवेश गरेको छ ।
बीरगन्जस्थित आदर्शनगर रङ्गशालामा माघ ४ गतेदेखि सुरु भएको प्रतियोगिताअन्र्तगत आज भएको पहिलो सेमीफाइनल खेलमा गण्डकी प्रदेशलाई सुन्यका विरुद्ध ३ गोलले पराजित गर्दै नेपाली सेनाको समूहले फाइनलमा स्थान सुरक्षित बनाएको हो ।
नेपाली सेनाको तर्फबाट १७ मिनेटमा जर्सी नम्बर ८ सिता कुमारी चौधरी, २५ मिनेटमा जर्सी नम्बर ३० अञ्जना चन्द ठकुरी र ४६ औँ मिनेटमा जर्सी नम्बर १३ निलिमा पाण्डेले गोल गरेका थिए ।
गण्डकी प्रदेशको फाइनलमा पुग्ने लक्ष्य बिचमै सकिएको छ । अथक प्रयासका बाब्जुद पनि गण्डकीले गोल गर्न नसकेपछि पराजय बेहोर्नुपरेको हो ।
प्रतियोगितामा नेपाली सेनाकी जर्सी नम्बर ८ सिता कुमारी चौधरी प्लेयर अफ दी म्याच घोषित भएकी छिन् ।
फाइनल खेल शनिवार हुने नेपाल हक्की संघले जनाएको छ ।
यसैबिच आजै सम्पन्न दोस्रो सेमिफाइनल खेलमा सुदुरपश्चिम विजयी भएको छ । ० को विरुद्ध २ गोल गर्दै सुदुर पश्चिम विजयी भएको हो ।
भोली हुने फाइनल खेलमा विभागीय टोलि नेपाल आर्मी र सुदुरपश्चिम भिड्ने छन् ।