काठमाडाैँ,१३ माघ । ४ दिनदेखि लगातार घटेको शेयर बजार काराेबार हुने हप्ताको अन्तिम दिन भने सामान्य बढेको छ । शेयर बजार परिसूचक नेप्से आज बिहीवार तीन दशमलव २९ अङ्कले बढेर २ हजार ७ सय ७९ दशमलव ९३ विन्दुमा पुगेको छ ।
आज निर्जीवन बीमा समूहकाे शेयर सबैभन्दा धेरै १ सय ३२ अङ्कले बढ्दा फाइनान्स, जलविद्युत्, उत्पादन, अन्य समूहको शेयर सामान्य बढेको छ । फाइनान्स समूहकाे शेयर १४, जलविद्युतकाे ५ , उत्पादनकाे २५ र अन्य समूहकाे शेयर १७ अङ्कले बढेकाे छ ।
आज ६६ लाख ७५ हजार कित्ता शेयर ३ अर्ब ३४ करोड रुपैयाँमा कारोबार भएकाे छ । सबैभन्दा धेरै नेशनल लाइफ इन्स्याेरेन्सको २० करोड रुपैयाँको शेयर किनबेच भयो ।
विन नेपाल लघुवित्त र बुद्धभूमि हाइड्रोको शेयर आज पनि १० प्रतिशतले बढेको छ । सप्तकोसी विकास बैंकको शेयर भने चार प्रतिशतभन्दा धेरैले घटेको छ ।