जनकपुरधाम, वैशाख ३१ । सर्लाहीको मलंगवा नगरपालिकास्थित एक वडामा नेपाली कांग्रेसको वडाध्यक्ष पदका उम्मेदवार प्यानलसहित विजयी भएका छन् ।
मलंगवा नगरपालिका वडा नम्बर–१ मा नेपाली कांग्रेसका नवल किशोर यादव ४३० मत ल्याएर वडाध्यक्षमा निर्वाचित भएका हुन् ।
उनका निकटतम प्रतिद्वन्द्वी जनता समाजवादी पार्टी नेपालका राजकिशोर रायले ४१९ मत ल्याएका छन् । वडाध्यक्ष सहित सबै सदस्यहरुलाई प्रमाणपत्र समेत वितरण गरिसकिएको मुख्य निर्वाचन अधिकृत ध्रुव कुमार पियाले बताए ।
यस्तै मेयर र उपमेयरमा पनि नेपाली कांग्रेसका उम्मेदवारहरुले नै अग्रता कायम गरेका छन् । मेयर कांग्रेसका उम्मेदवार नागेन्द्र प्रसाद यादवले ४५५ मत ल्याएका छन् भने उनका निकटतम प्रतिद्वन्द्वी जसपाका निरसल साहले ३६६ मत ल्याएका छन् । यस्तै एमालेका शमिम खाँले ६६ मत पाएका हुन् ।
उपमेयरमा कांग्रेसकी शकुन्तला देवी साहले ४१८, जसपाकी पानो देवीले ३७३ र एमालेकी चुनु देवी चौधरीले ५ मत प्राप्त गरेकी छन् ।
वडा नम्बर–१ को मतपरिणाम आइसकेको र अब वडा नम्बर–२ र ३ को मतगणना सुरु हुन लागेको मुख्य निर्वाचन अधिकृत पियाले बताए ।
