पोखरा, २ जेठ कास्कीको पोखरा महानगरपालिकाको मेयरमा एकीकृत समाजवादीका उमेदवार धनराज आचार्यले अग्रता बढाउदै लगेको छ । जारी मत गणनामा आचार्यले ४०४१ मत प्राप्त गरी अग्रता लिएका हुन् ।
उनलाई पछ्याइरहेका नेकपा एमालेका कृष्णबहादुर थापाले ३६५७ मत प्राप्त गरेका छन् । यता राप्रपाका शंकर खरालले ५०० र खडकराज पौडेलले २३२ मत प्राप्त गरेका छन् । उपप्रमुखमा भने एमालेकी मञ्जुदेवी गुरुङले अग्रता लिएकी छन् । उनले ४ हजार १९१ मत पाएकी छन् भने नेपाली कांग्रेसकी कोपिला रानाभाटले ४१११ मत पाएकी छन् ।