काठमाडौँ,०१ असार । त्रिभुवन अन्तर्राष्ट्रिय विमानस्थलको आन्तरिक उडानतर्फबाट एक राण्ड गोलीसहित एक महिला पक्राउ परेकी छिन्।
- Advertisement -
आन्तरिक उडानतर्फको प्रस्थानबाट एक राउण्ड गोलीसहित सर्लाहीको हरिपुर नगरपालिका–७ कि ३६ वर्षीया किरणकुमारी सिंह पक्राउ परेकी हुन्। उनलाई मंगलबार विमानस्थल प्रहरीले पक्राउ गरेको हो। सिंहले बोकेको ह्याण्ड ब्यागबाट उक्त गोली बरामद भएको प्रहरीले जनाएको छ।
उनी बुद्ध एअरको उडानमार्फत् काठमाडौंबाट जनकपुर जान लागेकी थिइन्। सो क्रममा एक्सरे मेसिनमा जाँच गर्ने क्रममा उक्त गोली फेला परेको प्रहरीले जनाएको छ।
- Advertisement -
उनलाई आवश्यक अनुसन्धान एवं कारबाहीका लागि प्रहरी वृत्त गौशाला पठाइएको अन्तर्राष्ट्रिय विमानस्थल सुरक्षा कार्यालय गौचरले जनाएको छ।
