बीरगन्ज, ११ असार – यात्रा डेलीका प्रबन्ध निर्देशक पत्रकार रामकुमार सर्राफ भारतमा सम्मानित भएका छन् । मिडिया फर बर्डर हार्माेनीले सीमाञ्चल अन्तर्राष्ट्रिय पत्रकारिता सम्मान २०२२ बाट सर्राफलाई सम्मानित गरिएको हो ।
मिडिया फार बोर्डर हार्माेनीले शनिवार भारत बिहारको थाई मन्दिर परिसरमा आयोजना गरेको भारत नेपाल समिट २०२२ का अवसरमा द हिमालयन टाइम्सका पर्सा जिल्ला संवाददाता फोटो पत्रकार समेत रहेका सर्राफ सम्मानित भएका हो । सर्राफ फोटो पत्रकार संघको पूर्व केन्द्रिय उपाध्यक्षसमेत रहेका छन भने बीरगन्ज बिभिन्न समाजिक संघ संस्थामा पनि आबद्ध रहेका छन् । उनी सम्मानित भएका कार्यक्रममा बीरगन्ज आधा दर्जन भन्दा बढी पत्रकारहरुको सहभागिता रहेको थियो ।
विगत साढे २ दशकभन्दा लामो समयदेखि पत्रकारितामा निरन्तर रुपमा सक्रिय रहेका सर्राफले सञ्चारमाध्यममार्फत नेपाल भारतको सम्बन्धलाई सुदृढ बनाउन भूमिका निर्वाह गरेको भन्दै सम्मान गरिएको अयोजक संस्थाले जनाएको छ ।