बर्दिया,२३ साउन । प्रहरीले बर्दियाको हिरासतबाट फरार भएका अभियुक्तलाई पक्राउ गरेको छ।
- Advertisement -
बाँके खजुरा गाउँपालिका-८ बस्ने २६ वर्षीय अब्दुल खाँलाई पक्राउ गरेको जिल्ला प्रहरी कार्यालयका प्रहरी नायब उपरीक्षक सूर्य प्रकाश सुवेदीले बताए ।
उनका अनुसार खाँ जबरजस्ती करणी मुद्दाको अनुसन्धानको सिलसिलामा हिरासतमा राखिएका थिए। साउन ९ मा उनले राति खाना खुवाउने समयमा रहेको सेन्ट्री (गार्ड) लाई झुक्याएर फरार भएको प्रहरी नायब उपरीक्षक सुवेदीले बताए ।
- Advertisement -
प्रहरीले खाँलाई सोमबार बर्दियाको बढैयाताल गाउँपालिका-२ सीमाबाट पक्राउ गरेको हो। प्रहरीले घटनाबारे थप अनुसन्धान भइरहेको जनाएको छ।
