जनकपुर,२४ साउन । बर्दियामा भएको मोटरसाइकल दुर्घटना हुँदा एक जनाको मृत्यु भएको छ भने अन्य एक जना घाइते भएका छन ।
बर्दियाको गुलरिया भुरिगाँउ हुलाकी सडक खन्डको मधुवन नगरपालिका वार्ड ४ मख्खन चोक नजिकै तिव्रगतिमा रहेको भे १२ प ७३५ नम्बरको मोटरसाइकल अनियन्त्रित भई दुर्घटना हुदा मोटरसाइकलमा सवार २७ वर्षिय सोनिया थारुको उपचारको क्रममा मृत्यु भएको जिल्ला प्रहरी कार्यालय बर्दियाले जनाएको छ ।
मोटरसाइकल चालक ३० वर्षिय सुनिल चौधरीको नेपालगञ्जमा उपचार भैरहेको छ । दुर्घटनामा परी गम्भिर घाइते सोनियाको उपचारको लागी जिल्ला अस्पताल गुलरिया लैजादै गर्दा मृत्यु भएको थियो । प्रहरीले घटनाबारे थप अनुसन्धान गरिरहेको जनाएको छ ।